花之戀水彩系列以顏色分主題，現時有花之戀2透白、紫、粉，有時間會逐漸轉品種，今期會新加一款花 🌸💜
這個《花之戀紫》是進階水彩班，主題是畫紫色花，風格寫實細緻清新，三色僅Viola tricolor有多種唔同嘅紫色，同學們可以畫吓近似色及對比色 🔸 🔹
銀蓮花Anemone，它的其中一個別名「蒙羅麗莎」令我深深記著，花蕊複雜的線條不是想像中那麼難畫，而且覺得這種花都幾靚，所以畫咗三幅，有白色，紫紅色及紫藍色，給同學選擇，近來客人訂製遲少少會再完成多一幅，不過是其他顏色，畫好再Post。
最多人期待就係繡球花，繡球花有著不同嘅花語，喺一種具有豐富表達力嘅花卉。
可以根據自己嘅心情感受，挑選符合心境嘅繡球花色調來裝飾居家空間，或者從花語嚟挑選作為贈送朋友嘅繡球花花束。
無論咩顏色都真係好靚，由好多好多朵小花組成一個花球，看似極之複雜，其實只要有耐性，我知你心裡面諗咩，你最無就係耐性嘛，就係無先要鍛練。
還有一幅番紅花，我對它沒什麼感覺所以有機會轉另一幅，剛剛幫客人畫《睡蓮》，搜集資料後發現有紫色。今期可能轉一轉。如果要畫得靚唔係一時三刻嘅事，話晒呢個係進階。
《花之戀》同學，要來多個中階《花之戀2》瞭解多幾件事，點畫先有透明水彩的透明感(重疊法)，薄薄嘅花瓣背後喺什麼(透明花)，棉花要用咩顏色(觀察)，白色應該點畫(調色)，還有水份控制，幾時乾幾時濕，幾時上水幾時擺走水，重疊法(唔化)，渲染法(化開)，水彩有太多太多要知道，要多嘗試，花之戀2包括咗以上技巧，透明葉，透明花，白色花。
所以玩咗《花之戀2》之後，先再參加花之戀紫，花之戀粉，花之戀藍，花之戀黃（未有呀），咁大家就會熟少少啦🤣
花之戀相關舊文：
花之戀相關報名表格：
這類型文章對你有用嗎？
A. 有用
B. 無用
Comments