Kathleen 是在14年開始畫畫，畫自己寵物，她叫Momo黑白貓是我第二隻貓，點解唔畫第一隻貓？第一隻貓是我最愛最愛的叫Meow Meow (名字純天然) 因為我差無影相又唔算，以前無咁方便無手機，全部用相機，幅幅相唔係矇，就似鬼，自問初畫真係睇唔到搞唔掂😅 咁不如畫在生嘅Momo先啦，一嚟就買畫布顏料畫油畫，發現過程好開心，每天都準時回家畫畫畫，畫到半夜3點鐘，足足兩年都係咁無停過無休息日，好似想趕住搵返失去咗嘅童年，原來畫自己寵物可以了解佢更加多亦會好比心機去畫，停唔到😍 畫太多幅後屋企終於無位放轉畫水彩畫。
後來做市集推廣自己作品，同珍惜自己毛孩，做咗幾次有人建議開繪畫班，覺得畫容易教人好難，諗咗一個月又咁啱有人sell地方，又咁啱諗到水彩教學，16年就膽粗粗開始做導師，主要是開「我的毛孩水彩」及「素描色鉛寵物」畫班，本身不是做開導師的我有時可能太緊張有時可能不客氣惡了😅 現在改善了。我真的好希望寵物主人可以經歷自己寵物繪畫，好希望沒畫畫的朋友學懂畫自己寵物，所以一直繼續開班。
我三隻貓都是執返嚟有緣遇上，有剛出生被遺棄，透過畫寵物有時會分享寵物嘅事，不過要教班唔會經常有時間，自從疫情後少之又少，之前每年有聖誕Party邀請同學來參加，一年一度答謝大家支持，後來加多了一個寵物動物分享會，原本打算每年開一次，有傾有講有食，還有義賣動物油畫名信片，希望快點回復到19年前🙏🏻
2020年至今，只有努力教班，無Party，無活動😅 到了現在已經有多位畫寵物學生，有些同學已幫人訂製，有些教班，有些繼續學習有興趣嘅 Art Classes，呢幾年好開心，雖然好攰但我仍然嫌自己教得未夠，好想好多人學識，好想比人知道唔識都畫到寵物㗎😝 唔一定要有天份唔洗有經驗，只要跟導師方法加少許努力做功課，就能夠成功。
寵物Workshop及部分學員作品
分享會・派對・展覽
導師的三貓作品 Meow Meow・Momo・Wing Wing
寵物畫班Pet Painting Classes
Comments